Новости
Интернетпа – йăлана кĕнĕ тепĕр олимпиада
2017 çулхи чÿк уйăхĕн 15-мĕшĕнче Интернет уçлăхĕнче пĕтĕм чăваш ачисен чăваш чĕлхипе, литературипе тата тăван ен культурипе черетлĕ олимпиади иртрĕ. Ăна хатĕрлесе ирттерекенĕ Чăваш Республикин вĕренÿ институчĕ пулчĕ. Олимпиадăна 7–9-мĕш классенче вĕренекен ачасем пĕтĕмпе 417-ĕн хутшăнчĕç. Вĕсем Чăваш тата Тутар Республикисенчен тата Чĕмпĕр облаçĕнчен пулчĕç. Ачасем мĕнле шкулта вĕреннине шута илсе олимпиада ĕçĕсене икĕ номинаципе хатĕрленĕччĕ: 1) вырăсла вĕрентекен шкулсем валли; 2) чăвашла вĕрентекен ачасем валли.
Олимпиадăн кашни тĕрĕс хуравĕшĕн 5 балл лартнă. Ыйтусене хуравласа чи нумай балл пухнисем çĕнтерÿçĕ тата призер ятне илчĕç.
Пирĕн шкулта вĕренекенсем те çак олимпиадăна хутшăнчĕç: сĕннĕ ыйтусене тимлерĕç, хуравлама уйăрнă пĕр сехетпе тухăçлă усă курчĕç. 8-мĕш А класс вĕренекенĕ вара III вырăна тухнисенчен пĕри пулчĕ. Эпир ăна çитĕнÿ тунă ятпа ăшшăн саламлатпăр!
Смотреть все новости
|