Новости
«Тăван чĕлхепе литература вăрттăнлăхĕсем» Интернет конкурс
2017 çулхи пуш уйăхĕн 10-мĕшĕнче Чăваш Республикин вĕренÿ институчĕн филологи кафедри ертсе пынипе чăваш чĕлхипе литератури вĕрентекенĕсем хушшинче регионсен шайĕнчи «Тăван чĕлхепе литература вăрттăнлăхĕсем» Интернет конкурс иртрĕ. Интернет конкурса чăваш чĕлхипе литературине тата вĕсене вĕрентмелли методикăна пĕлекенсене тупса палăртас, интернет технологийĕсемпе вĕренÿ ĕçĕнче усă курас хăнăхăва малалла аталантарас тĕллевпе ирттерчĕç. Унта пĕтĕмпе 93 учитель хутшăнчĕ. Учительсем чăваш чĕлхипе тата литературипе 15 ыйтăва хуравларĕç. Ыйтусене хуравлама 60 минут уйăрчĕç.
Интернет конкурса пирĕн шкул вĕрентÿçи Ольга Валериановна Волкова хутшăнчĕ. Вăл ку конкурс пĕлÿлĕхпе ăсталăха ÿстермелли аван мел пулнине палăртрĕ. Вĕрентекенĕн ăсталăх мулĕ унăн малашнехи ĕçĕнче питех те усăллă пулĕ.
Смотреть все новости
|